Ц.Солонго: December 2009

12/15/09

санал асуулт бөглөөрэй

миний санал асуултыг бөглөөрэй

монгол япон төвийн зорилго

Энэ төслийн зорилго нь Монголын бизнесийн хөгжилд хувь нэмрээ оруулж байгаа болон оруулах мэргэжилтнүүдийг сургах, давтан сургах, Япон орныг сонирхогч хүн бүхэнд япон хэл, японы соёлыг танилцуулан,

дэлгэрэнгүй

японы улсын тухай үндэсийн мэдээлэл

Япон улс бол ардчилсан улс юм. 1947 онд батлагдсан тус улсын Үндсэн Xууль нь дараахи гурван зарчим дээр тулгуурладаг: ард түмний тусгаар тогтнол, хүний эрх болон энх тайвныг хамгаалах гэсэн зарчмууд юм.

дэлгэрэнгүй

японы улсын тухай5

Энэ удаагийн гарын үсэг зурах ёслолын ажиллагаанд оролцсон Баянхонгор аймгийн засаг дарга Д.Амарсанаа “Өнөөдөр төслийн гэрээнд гарын үсэг зурснаар Бууцагаан сумын хамгийн тулгамдсан асуудал шийдвэрлэгдэж байгаа бөгөөд энэхүү төсөл хэрэгжих болсонд туйлын баяртай байна.” хэмээн талархлын үг хэлсэн бөгөөд Өмнөговь аймгийн Даланзадгад сумын 3 дугаар сургуулийн захирал Адилбиш “Боловсролын салбарт тусламж үзүүлж байгаад сурагчид, тэдний эцэг эх мөн багш сурган хүмүүжүүлэгч нарыг төлөөлөн талархлаа илэрхийлье.” хэмээсэн юм.

Мөн элчин сайд Т.Кидокоро уг төслийн талаар “Эдгээр төслүүдийг амжилттай хэрэгжүүлсэнээр, Монгол улсын боловсролын болон эрүүл мэндийн орчин, үйлчилгээ сайжран улмаар Монгол улсын цаашдын эдийн засгийн хөгжилд хувь нэмэр болно хэмээн найдаж байна.” хэмээн үг хэллээ.

японы улсын тухай4

Эдгээр төслийн аль аль нь боловсрол, эрүүл мэнд гэсэн хүний амьдралд нэн тэргүүнд тавигдах амьдралын үндсэн салбар дээрх хэрэгцээ шаардлагыг хангаж байгаа болно.

Энэ жил, одоогийн байдлаар өнөөдөр гарын үсэг зурсан хоёр төслийг оролцуулаад нийт 12 төсөлд 988,907 ам.долларын буцалтгүй тусламжийг үзүүлж байна. Түүний дотор Эрүүл мэндийн салбарт 1 төсөл, ЕБС-д 6-н төсөл хэрэгжээд байна.

“Өмнөговь аймгийн Даланзадгад сумын 3 дугаар сургуулийн засварын төсөл”-ийг НҮБ-ын хүүхдийн сангийн туслалцаатайгаар хэрэгжүүлж байгаа юм. Энэ нь тус улсад ажиллаж буй донор орнууд ба байгууллагууд хоорондын найрсаг сайн харилцаанд тулгуурласан хамтын ажиллагааны нэг жишээ бөгөөд цаашид ч доноруудын хамтын ажиллагааны дүнд тус улсад үзүүлэх тусламжийг улам бүр үр дүнтэй болгох шаардлагатай байна.

японы улсын тухай3

Уг төсөлд нийт 168,869 ам.доллар буюу ойролцоогоор 241,100,000 төгрөгийн санхүүгийн тусламж үзүүлж байгаа болно.

Япон улсын Засгийн газрын “Өвсний үндэс” хөтөлбөр нь ялангуяа энгийн ард иргэдэд чиглэсэн нийгмийн халамжийн салбарт түлхүү анхаардаг бөгөөд орон нутаг дахь нийтийн аж ахуйг сайжруулснаар нийгэм, эдийн засгийг тэнцвэртэй хөгжүүлэх зорилготой ажилладаг юм.

Өнөөдөр гарын үсэг зурсан 2 төслийн 1 нь боловсролын байгууллагын орчинг сайжруулахад чиглэгдсэн бөгөөд нөгөө 1 нь орон нутгийн эрүүл мэндийн байгууллагын орчинг сайжруулах төсөл юм.

японы улсын тухай2

2009 оны “Өвсний үндэс” буцалтгүй тусламжийн хөтөлбөрийн хүрээнд хэрэгжих “Баянхонгор аймгийн Бууцагаан сумын эмнэлгийн засварын төсөл” болон “Өмнөговь аймгийн Даланзадгад сумын 3 дугаар сургуулийн засварын төсөл”-ийн гэрээнд гарын үсэг зурах ёслол боллоо

10-р сарын 16-ны өдөр, Монгол Улс дахь Япон Улсын Элчин Сайдын яаманд Элчин сайд Т.Кидокоро болон Баянхонгор Аймгийн Засаг Дарга Д.Амарсанаа, Өмнөговь Аймгийн Засаг Дарга Б.Бадраа нар Япон Улсын Засгийн газрын буцалтгүй тусламжийн “Өвсний үндэс” хөтөлбөрийн хүрээнд хэрэгжүүлэх Баянхонгор аймгийн Бууцагаан сумын эмнэлгийн засварын төсөл” болон “Өмнөговь аймгийн Даланзадгад сумын 3 дугаар сургуулийн засварын төсөл”-ийн гэрээнд гарын үсэг зурлаа.

японы улсын тухай1

Энэхүү завшааныг ашиглан, Эзэн хааны гэр бүлийн зүгээс гадаадын улс орнуудтай тогтоосон нөхөрсөг харилцааг хөхиүлэн дэмжихэд чиглэгдсэн үйл ажиллагааг танилцуулахыг зорилоо.
Эзэн хааны гэр бүл болон Цог жавхлант Эзэн хаан өөрөө бусад улс орнуудад хийх айлчлал болон гадаадын хаад, ерөнхийлөгч нарыг хүлээн авах замаар олон улсын түвшинд сайн харилцааг хөхиүлэн дэмжихэд гар бие оролцдог юм.

Түүнчлэн тэд хилийн чанадаас хүрэлцэн ирсэн өндөр хэмжээний бусад төлөөлөгч, удирдагчдыг хүлээн авч, гадаадын төрийн тэргүүнүүдтэй захидал, цахилгаан солилцон, баяр буюу гашуудлын үйл ажиллагаанд өөрийн элч төлөөлөгчийг илгээж, Япон улсад суугаа гадаадын дипломат төлөөлөгчдийг хүлээн авдаг байна.

японы улсын тухай

Цог жавхлант Эзэн хаан, хаан сэнтийд заларсны 20 жилийн ой

Эзэн хаан Хирохито (буюу Эзэн хаан Шова) талаал төгссөн 1989 оны 1 дүгээр сарын 7-ны өдөр Цог жавхлант Эзэн хаан Акихито Япон улсын 125 дахь Эзэн хаанаар өргөмжлөгдсөн билээ. Сэнтийд залрах ёслолын ажиллагаа 1990 оны 11 дүгээр сарын 12-ны өдөр Эзэн хааны ордонд болжээ. 158 орны төлөөлөгчид гадаадас хүрэлцэн ирсний дотор хаад, төрийн тэргүүнүүд болон олон улсын хоёр байгууллагын тэргүүн арга хэмжээнд оролцсон байна.

Энэ оны 1 дүгээр сарын 7-нд Эзэн хаан сэнтийд заларсны 20 жилийн ойтойгоо золгосон билээ. Холбогдох яам, агентлагууд, тэдгээрийн дотор Япон улсын Гадаад хэргийн яам Эзэн хаан сэнтийд заларсны 20 жилийн ойг тэмдэглэх хүрээнд төрөл бүрийн арга хэмжээнүүдийн зохион явуулахаар төлөвлөжээ.

БАЙГАЛЬ ОРЧНЫ БОДЛОГО 2

Стратегийн зорилт 3. Усны нөөцийг бохирдол, хомсдолоос хамгаалах, зохистой ашиглах, хүн амыг эрүүл ахуйн шаардлагад нийцсэн усаар хангах нөхцөлийг бүрдүүлнэ. “Ус” үндэсний хөтөлбөр хэрэгжүүлнэ:

* усны нөөцийг хамгаалах, зохистой ашиглах харилцааг зохицуулах эрх зүйн орчинг боловсронгуй болгож, ус хэмнэх усны нөөцийн менежмент, бүтэц, зохион байгуулалтыг сайжруулах;
* гадаргын усны тодорхой хэсгийг аж ахуйн эргэлтэнд оруулан арвижуулах замаар хүн ам, үйлдвэрлэлийн усан хангамжийг шийдвэрлэх;
* хотуудыг болон уул уурхайн үйлдвэрлэлийг хэрэгцээт усаар хангах усны нөөцийг нэмэгдүүлэх.

Стратегийн зорилт 4. Ойн нөөцийг тогтвортой ашиглаж, ой хамгаалах, нөхөн сэргээх, экологийн тэнцвэрийг хадгалах нөхцөлийг хангана:

* ойн санд сансрын мэдээ ашиглаж, зайнаас тандан судлах аргаар хайгуул, судалгаа хийж, тархалт, бүтэц, бүрэлдэхүүнийг тогтоон ойн зураглал, ойн тогтвортой менежментийн хөтөлбөр боловсруулж, газар зүйн

БАЙГАЛЬ ОРЧНЫ БОДЛОГО 1

Стратегийн зорилт 2. Газар, газрын хэвлийн баялагийг зохистой ашиглах нэгдсэн бодлого хэрэгжүүлнэ:

* ашигт малтмал ашиглах, байгаль орчныг хамгаалах хууль тогтоомжийг боловсронгуй болгож, хууль хэрэгжүүлэх эдийн засгийн арга хэрэгсэл, хөшүүргийг нэвтрүүлж, өөрийгөө санхүүжүүлэх механизмыг бий болгох замаар байгалийн нөөцийн менежментийг үндэсний болон орон нутгийн хэмжээнд сайжруулж, салбар хоорондын зохицуулалтыг боловсронгуй болгох;
* монгол үндэстний үеийн үед онцлон хайрлаж, онгон байдлаар нь хадгалан үлдээх газар нутгийн үндэсний өвийн санг буй болгож, хамгаалалтанд авах, тусгай хамгаалалттай газар нутгийн талаар баримтлах төрийн бодлого, менежментийг боловсронгуй болгох;
* тусгай хамгаалалттай газар нутгийн сүлжээг өргөжүүлэн түүний удирдлагын тогтолцооны оновчтой бүтцийг бий болгож, орчин үеийн шаардлага хангасан хамгаалалтын менежментийг хэрэгжүүлэх.

БАЙГАЛЬ ОРЧНЫ БОДЛОГО

Стратегийн зорилт 1. Байгаль орчны бохирдол, доройтлыг хязгаарлан зогсооно:

* байгаль орчинд учруулсан хохирлын эдийн засгийн үнэлгээнд тулгуурлан нөхөн сэргээх бодлогыг хэрэгжүүлэх;
* Улаанбаатар болон томоохон хот суурин газрын орчны бохирдлыг багасгах эрх зүй, эдийн засаг, удирдлага, зохион байгуулалтын нэгдсэн арга хэмжээг хэрэгжүүлэх;
* Улаанбаатар болон томоохон хотуудын агаарын бохирдлыг бууруулах асуудлаар хөтөлбөр, төлөвлөгөө боловсруулж хэрэгжүүлэх;
* сэргээгдэх эрчим хүч ашиглах хувь хэмжээг нэмэгдүүлж, нар, салхи, усны эрчим хүчний эх үүсвэрийн дан болон хоршсон хэрэглээг хөгжүүлэх;
* хот, суурин газрын хатуу хог хаягдлыг цуглуулах, тээвэрлэх, хадгалах, ялган ангилах, дахин боловсруулах, эргүүлж ашиглах, байгальд халгүй аргаар устгахад шинэ технологи, менежментийн цогц бодлого хэрэгжүүлж, ажлын байр шинээр бий болгох;
* Киотогийн протоколын цэвэр хөгжлийн механизмын хүрээнд хүлэмжийн хийг бууруулах хамтарсан төсөл хэрэгжүүлж, улмаар зах зээлийн үнээр худалдах;
* байгаль орчныг хамгаалах хяналтын тогтолцоог дэлхийн нийтийн жишгийн дагуу бүрдүүлэх.

монголын тухай8

Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогын тэргүүлэх чиглэлүүд
Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогыг дор дурдсан зургаан тэргүүлэх чиглэлийн хүрээнд хэрэгжүүлнэ:

* мянганы хөгжлийн зорилтуудыг хэрэгжүүлж, монгол хүнийг бүх талаар хөгжүүлнэ
* экспортын баримжаатай, хувийн хэвшилд түшиглэсэн өндөр технологт, үүний дотор мэдээлэл, харилцаа, био, нанотехнологи, транзит тээвэр, логистик, санхүүгийн зуучлалын үйлчилгээ, уул уурхай, хөдөө аж ахуйн бүтээгдэхүүнийг гүн боловсруулахад суурилсан үйлдвэрлэл, үйлчилгээг эрчимтэй хөгжүүлж, тогтвортой, мэдлэгт суурилсан эдийн засгийг бий болгоно.
* стратегийн ач холбогдолтой ашигт малтмалын орд газруудыг ашиглан хуримтлал бий болгож, эдийн засгийн эрчимтэй, өндөр өсөлтийг хангаж, орчин үеийн боловсруулах салбарын үйлдвэрлэлийг хөгжүүлнэ.
* бүс нутаг, дэд бүтцийг эрчимтэй хөгжүүлж хот, хөдөөгийн хөгжлийн түвшний ялгааг багасгана.
* уур амьсгалын өөрчлөлтөд дасан зохицсон арга чадавхийг бий болгох, экосистемийн тэнцвэрт байдлын алдагдлыг зогсоох, хамгаалах замаар хөгжлийн тогтвортой орчин бий болгоно.
* улс төрийн ардчилсан тогтолцоог боловсронгуй болгож, авлига, хүнд суртлаас ангид, ил тод, хариуцлагатай, шударга тогтолцоог бүрдүүлнэ.

монголын тухай7

Иргэний нийгэм:

* төрийн байгууллага, түүний удирдах ажилтны үйл ажиллагаанд үр нөлөөтэй хяналт тавих;
* нийтийг хамарсан аливаа шийдвэр гаргахад өөрийн дуу хоолойг нэмэрлэж оролцох.

Төр:

* иргэдийнхээ эрүүл, аюулгүй амьдрах, бизнес эрхлэх, хөрөнгө оруулалт хийх таатай орчин нөхцөл бүрдүүлэх;
* банк, санхүүгийн зохистой, найдвартай тогтолцоо бий болгож, түүний эрүүл, ил тод орчныг хангах;
* төрийн удирдлагын хариуцлагатай, нээлттэй, шуурхай байдал, мэдээ, мэдээллийн ил тод байдлыг хангах, төрийн шийдвэр гаргах түвшинд иргэний нийгэм, хувийн хэвшлийн оролцоог нэмэгдүүлэх;
* төрийн үйлчилгээг иргэдэд чанартай, хүртээмжтэй, шуурхай хүргэх нөхцөлийг бий болгох;
* бизнес, аж ахуйн үйл ажиллагааг зохицуулах эрх зүйн тогтолцоог хүнд сурталгүй, шуурхай болгох, эрх зүйн актын тоог цөөн байлгах.

монголын тухай6

* өндөр мэдлэг боловсролтой болох, боловсролоо байнга дээшлүүлэх чадвартай байх;
* эрх, эрх чөлөөгөө эдлэхдээ бусдын эрх, эрх чөлөөнд хүндэтгэлтэй, ёс зүйтэй хандах, хүлээсэн үүргээ биелүүлж байх;
* нийгмийн харилцаанд идэвхтэй оролцож, өөрсдийн дуу хоолойг хүргэдэг байх;
* төрийн байгууллагын үйл ажиллагаанд хяналт тавих хуулиар олгогдсон эрхээ эдлэх.

Бүх хэвшлийн аж ахуй нэгж, байгууллага:

* ажлын байр нэмэгдүүлэхийг эрмэлзэх;
* ажлын байрны эрүүл, аюулгүй орчин нөхцөлийг бүрдүүлэх;
* ажилтныхаа мэргэжлийн чадварыг дээшлүүлэх, нийгмийн асуудалд дэмжлэг үзүүлэх;
* хууль тогтоомжид заасан үүргээ биелүүлэх;
* байгаль орчноо хамгаалах, түүнд халгүй шинэ технологи нэвтрүүлэх;
* зах зээлд шударгаар өрсөлдөх;
* ил тод үйл ажиллагаа явуулах, тайлагнах.

монголын тухай5

Монгол Улсын хөгжил бол аюулгүй байдал, тусгаар тогтнолын баталгаа мөн. Хөгжлийн үндэс нь үндэсний эв нэгдэл юм.

3.4 Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогыг хэрэгжүүлэгч талууд, тэдний хүлээх үүрэг, оролцоо
Мянганы хөгжлийн зорилтод суурилсан Үндэсний хөгжлийн цогц бодлогод тусгасан зорилтуудыг хэрэгжүүлэхэд иргэн, аж ахуй нэгж, байгууллага, төр, иргэний нийгмийн хамтын ажиллагаа шийдвэрлэх үүрэгтэй. Үндэсний хөгжилд талууд дараахь үүрэг, оролцоотой байна:

Иргэд:

* гэр бүлээ асран тэтгэх, амьдралын хэв маяг нь эрүүл, саруул байх, үр хүүхдээ зөв хүмүүжүүлэх, түүнд боловсрол олгох;
* аж ахуйч байх, олсон орлогоо зөв зарцуулах;
* хорт дадал зуршлаас татгалзаж, сэргийлж байх;

монголын тухай4

. Монголчуудын эрхэмлэн дээдлэх зүйлс
Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогод дор дурдсан зүйлсийг эрхэмлэн дээдэлнэ:

* Монгол Улсын Үндсэн хуулийг баримтлах;
* шударга амьдарч, ажиллах, нийгмээ эвсэг, найрсаг байлгах;
* бие хүн, нийгмийн хөгжил дэвшлийг өөрсдийн гараар бусадтай хамтран бүтээн байгуулах;
* эх оронч үзэл нь улс орноо хөгжүүлснээр тусгаар тогтнол, бүрэн эрхт байдлаа хамгаалан бэхжүүлэх зарчим дээр тогтох зэрэг болно.

3.3. Монгол Улсын үндэсний хөгжлийн алсын хараа
Монгол Улсын үндэсний хөгжлийн 2021 он хүртэлх алсын харааг дор дурдсан байдлаар тодорхойлж байна:

“Монгол Улс нь өргөн уудам нутаг, байгалийн их нөөц баялаг, бахархам түүхтэй, итгэл найдвар дүүрэн, ирээдүйн зол жаргалтай орон” мөн.

Бидний монголчууд түүх, соёлоо эрхэмлэн хүндэлж, үндэсний бахархалтай, өндөр боловсролтой, өөрсөддөө итгэлтэй байж, хүсэл тэмүүлэлдээ хүрч, эх орондоо тав тухтай, чинээлэг, сэтгэл хангалуун аж төрнө.

монголын тухай3

Монгол Улсын Үндэсний хөгжилд баримтлах зарчим
Монгол Улсын Мянганы хөгжлийн зорилтод суурилсан Үндэсний хөгжлийн цогц бодлогод дор дурдсан зарчим баримтлана:

* ардчилсан ёс, шударга ёс, хүний эрх, эрх чөлөө, тэгш байдал, үндэсний эв нэгдлийг хангах;
* улс орны хөгжилд иргэн бүр оролцох, хувь нэмрээ оруулах, манлайлах нөхцөлийг бүрдүүлэх;
* хөгжлийн бодлого, стратегийг хэрэгжүүлэх чадамж, бүтцийг бий болгох;
* зах зээлийн эдийн засагт суурилсан хөгжил эрчимтэй, тогтвортой байх;
* хөрөнгө нөөцийг бодлогын тэргүүлэх чиглэл, эрэлт хэрэгцээнд суурилан хуваарилах, түүнийг ил тод байлгах, зарцуулалтыг хянан гүйцэтгэлийн үр дүнг үнэлж дахин төлөвлөх;
* бүх талын түншлэлд суурилах;
* өөрчлөгдөмтгий нөхцөл байдалд уян хатан зохицох чадамжтай болох;
* бүх шатанд хариуцлага хүлээх чадвартай болох, ил тод байх, хууль дээдлэх.

монголын тухай2

# боловсролын чанар хангалтгүй, шинжлэх ухаан, технологийн хөгжлийн түвшин доогуур, бүтээгдэхүүн, үйлчилгээний чанараар дэлхийн зах зээлд өрсөлдөх чадвар сул;
# уур амьсгал нь эрс тэс, мал аж ахуй, газар тариалангийн үйлдвэрлэл цаг уурын өөрчлөлтөөс хэт хамааралтай;
# ойт талбайн эзлэх хувь бага, цөлжилтийн явц хурдасч байгаа, экосистемийн эмзэг орчинтой, байгалийн нөхөн сэргэх чадвар сул;
# эрчим хүчний хангамж бага, найдваргүй, дэд бүтэц сул хөгжсөн;
# тивийн болон бүс нутгийн олон улсын гол зам, харилцаанаас алслагдсан, далайд шууд гарах гарцгүй;
# орон сууцны хүрэлцээ тааруу;
# ажилгүйдэл, ядуурал их;
# эдийн засгийн бүтэц өрөөсгөл;
# Засгийн газрын зарлагын хэмжээ хэт их;
# тусгай зөвшөөрөл олгох үйл явц удаан, хүнд суртал, авлига их,

монголын тухай1

* 1000 хүнд ногдох эмчийн тоо харьцангуй өндөр;
* хүн амын насны бүтэц зөв;
* макро эдийн засгийн үзүүлэлтүүд сайжирч байгаа;
* Орос, Хятадын томоохон зах зээлтэй ойр;
* ашигт малтмалын нөөц их;
* түүхийн баялаг сургамж, уламжлалтай;
* бараг бүхэлдээ онгон төрхөөрөө хадгалагдаж үлдсэн байгалийн өвөрмөц цогцолбор, ховор ан амьтан, ургамлын төрөл зүйл, баялаг бүхий өргөн уудам газар нутаг, түүнд зохицсон нүүдлийн амьдралын өвөрмөц хэв маягтай.

Хөгжлийн сул үзүүлэлтүүд:

* хүн амын өсөлт удаан, наслалт харьцангуй богино;
* нярай хүүхдийн болон эхийн эндэгдэл их;
* хүн амын тоо цөөн, тархай бутархай байршилтай, хөдөлмөрийн нөөц хязгаарлагдмал, ялангуяа мэргэжлийн ур чадвар сайтай инженер техникийн ажилтан, ажилчид, зах зээлийн мэдлэгтэй мэргэжилтний тоо цөөн;

монголын тухай

Монгол Улсын хөгжлийн хандлага. Дэлхийн болон бүс нутгийн эдийн засгийн хөгжил эрчимжиж, Монгол Улсын гадаад эдийн засаг, худалдааны орчин нөхцөл тааламжтай болж, манай улс бүс нутгийн болон дэлхийн зах зээлтэй хялбар холбогдож, бүтээгдэхүүн, үйлчилгээгээ дэлхий дахинд таниулах боломж нэмэгдэж байна. Энэхүү тааламжтай нөхцөл нь Монгол Улсад Мянганы хөгжлийн зорилтыг хэрэгжүүлж, эрчимтэй хөгжлийн замд гарах сайхан бололцоо олгож байна.

Манай улсын хөгжлийн давуу болоод сул талыг дэлхий нийтэд доорхи байдлаар үнэлж байна. Үүнд:

Хөгжлийн давуу үзүүлэлтүүд:

* анхан шатны сургуульд хамрагдалт сайн, бичиг үсэг тайлагдалтын түвшин өндөр;
* вакцинжуулалтын хамрагдалт сайн;

Бүс нутгийн хөгжлийн хандлага1

# тухайн улс орны дотоодын хөгжлийн ялгаатай байдал арилах;
# байгаль орчинд халгүй хөгжихийн хамт байгалийн гамшгаас сэргийлэх чадамжтай болох;
# мэдээлэл, харилцаа, био, нано, роботикс, сансрын зэрэг шинэ технологийг эрчимтэй хөгжүүлэх өргөн боломж нэмэгдэх;
# шинжлэх ухаан, технологийн хөгжилд ихээхэн хөрөнгө зарцуулж, үр дүнг нь үйлдвэрлэл, үйлчилгээний салбарт нэвтрүүлэн үр ашигтай болгох;
# бүс нутгийн хамтын ажиллагаа, чөлөөт худалдааг хөгжүүлэх, бүс нутгийг хамарсан үйлчилгээ, үйлдвэрлэлийг хөгжүүлэх бололцоо нэмэгдэх зэрэг хандлагатай байна гэж

Бүс нутгийн хөгжлийн хандлага

Америк, Европоос гадна Ази тив дэлхийн хөгжлийн нэгэн чухал тулгуур төв болох үйл явц улам бүр хүчтэй болж, Энэтхэг, Хятад улсуудын түргэн хурдацтай хөгжил, хүн амын өсөлт нь дэлхий дахины анхаарлыг өөрийн эрхгүй татаж байна.

Азийн улс орнууд худалдаа, эдийн засгийн хувьд улам бүр ойртон нягтарч, Азийн бондын нэгдсэн зах зээлийг байгуулах үйл явц өрнөж байгаагийн зэрэгцээ Азийн валютын санг байгуулах, Азийн нэгдсэн мөнгөн тэмдэгт бий болгох асуудлыг ч хэлэлцэж эхэллээ.

Дэлхийн болон бүс нутгийн хөгжлийн чиг хандлагыг товчлон дүгнэвэл:

* даяаршилд зохих байраа эзэлж чадвал тухайн орнуудын хөгжил түргэсэх боломж бий болох;
* хүний хөгжлийн асуудлыг эн тэргүүнд анхаарч, ажилгүйдэл, ядуурлыг бууруулах тодорхой зорилтыг хамтын хүчээр шийдвэрлэх боломж нэмэгдэх;

Дэлхийн хөгжлийн чиг хандлага

Хүн төрөлхтөн шинжлэх ухаан, технологийн хувьсгалд тулгуурлан аж үйлдвэржсэн нийгмээс мэдээлэлжиж, даяаршиж буй нийгэмд шилжиж байна. Дэлхий дахины эдийн засаг, зах зээлийн харилцаанд мэдээлэл, хүн, барааны асар өргөн шилжилт хөдөлгөөн, бүтээгдэхүүн, үйлчилгээний хил хязгааргүй урсгал явагдаж, түүнд суурилсан даяаршилын цоо шинэ нөхцөл байдал бүрдэж байгаагаас улс орнууд хүн, нийгмийн хөгжил, эдийн засгийн өсөлтийн хэтийн бодлогоо даян дэлхийн болон бүс нутгийн хөгжлийн үйл явцтай нягт уялдуулан тодорхойлох болов. Ийм нөхцөлд Монгол Улсын хөгжилд дэлхийн, ялангуяа Ази тив, Төв болон Зүүн хойд Азийн бүс нутгийн хөгжлийн хандлага, даяаршилын эерэг болон сөрөг хүчин зүйлсийн нөлөөллийн аль алийг нь тооцож, хөгжлөө эрчимтэй бөгөөд тогтвортой болгохын тулд урт, дунд, богино хугацааны хөгжлийн бодлого, стратегиа тодорхойлох шаардлага тулгарч байна.

12/12/09

гэр орох зам

View mi home road in a larger map

хөгжил ба монгол улс

Үндэсний хөгжил, шинэтгэлийн хорооны нээлтэнд
Монгол Улсын Ерөнхий сайд С.Баярын хэлсэн үг

Та бүгдийн энэ өдрийн амар амгаланг айлтгая!

Монгол Улсын Засгийн газрын бүтцэд Үндэсний хөгжил, шинэтгэлийн хороо байгуулагдаж албан ёсны нээлтээ хийж байгаатай холбогдуулан Та бүхэнд баяр хүргэж, цаашдын ажилд тань амжилт хүсье.

Энэхүү хороог Монгол Улсын төсвийн байдал тааруу, яамд, агентлагуудын бүтэц орон тоог цөөлж байх энэ эгзэгтэй үед байгуулж байгаагийн учир юу вэ гэвэл улсын нэгдсэн бодлого, зохицуулалтыг хийх байгууллага зайлшгүй байх шаардлагатай байгаа юм.

Тус хороог байгуулах саналыг Улсын Их Хуралд өргөн барихад татгалзсан гишүүн нэг ч байгаагүй юм. Өөрөөр хэлбэл УИХ та бидний үйл ажиллагааг эхнээс нь дэмжиж, их итгэл найдвар хүлээлгэж байгаа юм.

Шинэ зорилт, шаардлагаас үүдэн шинээр байгуулагдан ажиллаж буй танай байгууллагын удирдлага, хамт олонд үндсэн чиг үүрэг, үйл ажиллагааны зорилго, цаг үеийн шаардлага, хүлээгдэж байгаа үр дүнгийн талаар өөрийн санаа бодлыг товч хэлж, үүрэг даалгавар өгье.

Нэн түрүүнд Та бүхэн Монгол Улсын Мянганы хөгжлийн зорилтуудад суурилсан Үндэсний хөгжлийн цогц бодлого, Засгийн газрын үйл ажиллагааны хөтөлбөрийг хэрэгжүүлэхэд чиглэсэн, эдийн засаг, нийгмийн үндсэн салбаруудын хүрээнд зохицуулагдсан, урт, дунд богино хугацааны төлөвлөлтүүдийг хийж, төр засгаас гарах бодлогын баримт бичгүүдэд тусган хэрэгжүүлэхэд анхаарч ажиллах хэрэгтэй.

Мөн Монгол Улсын хөгжлийн стратегийн загвар, тэргүүлэх чиглэл болон стратегийн зорилтуудыг дэлхий нийтийн болон Ази, Номхон далайн бүс нутгийн хөгжлийн хандлагатай уялдуулан тодорхойлж, улс орны хөгжлийг нэгдсэн бодлогоор уялдуулан зохицуулах нөхцлийг бүрдүүлэх;

-Зах зээлийн эдийн засгийн өнөөгийн нөхцөл байдалд нийцүүлэн бүтцийн өөрчлөлтийн болон эдийн засгийн шинэтгэлийн бодлогыг хугацаа алдалгүй боловсруулж, хэрэгжүүлэх ажлыг зохион байгуулах;

-Салбар хоорондын бодлогын уялдаа зохицуулалтыг шууд хариуцан ажиллах, түүний хөгжлийн хурдцыг нэмэгдүүлэх, хөрөнгө санхүү, ажиллах хүч, бусад нөөц бололцоог хамгийн үр өгөөжтэй, оновчтойгоор төвлөрүүлэн ашиглах гол хөшүүрэг болгон хувиргах;

-Дэвшилтэд технологи, инновацид түшиглэсэн өндөр бүтээмжтэй, экспортод чиглэсэн аж үйлдвэрийн салбар, дэд бүтцийг, төр, хувийн хэвшлийн түншлэлийг хөгжүүлэх замаар Үндэсний хөгжлийн цогц бодлогод тодорхойлсон мэдлэгт суурилсан эдийн засгийн үндсийг тавих, хөгжлийн бодлого, стратегийн төлөвлөлтийн үндэслэлийг сайжруулахад гол анхаарлаа хандуулах;

- Байнга хувьсан өөрчлөгдөж байгаа дэлхийн эдийн засгийн байдал, хөгжлийн хандлага, эдийн засгийн гадаад дотоод орчны судалгаа, дүн шинжилгээг тогтмол хийж, дээд зэргээр мэдрэмжтэй байх, тохиолдож болох аливаа эрсдлийг урьдчилан харсан, тэдгээрээс сэргийлэх арга хэмжээг тусгасан, дунд, урт хугацааны даацтай бодлогыг боловсруулан хэрэгжүүлэх нь Та бүхний үндсэн үүрэг байх болно.

Оюу Толгойн орд газрыг ашиглалтанд оруулахаар ажиллаж байгаа энэ үед хөгжлийн цогц бодлого зайлшгүй хэрэгтэй нь харагдаж байна. Асар их хэмжээгээр шаардлагатай усны нөөцийг хэрхэн хангах вэ, зам тээвэр, цахилгаан эрчим хүчний асуудлыг хэрхэн шийдвэрлэх талаар олон асуудал анхаарлын төвд байгаа.

Жишээ нь, Төвийн шугамнаас татсан цахилгааны хүч Оюу Толгойн уурхайн хэрэгцээг хангаж чадахгүй. Иймд Шивээ-Овоо дахь уурхайн дэргэд цахилгаан станц барих зэрэг олон асуудлууд шийдвэрлэгдэх хэрэгтэй байна. Энэ бүхэнд л танай хорооны салбар хоорондын уялдааг хангасан бодлого, үйл ажиллагаа чухал байгаа юм.

Мөн би танай хороог гадаадын улс орнуудын ижил төстэй төрийн байгууллага болон олон улсын байгууллагуудтай нягт холбоотой ажиллана гэж ойлгож байна.

Дэлхий нийтийн хөгжлөөс хоцрохгүйн тулд бусад орнуудын хэрэгжүүлж байгаа бодлого, үйл ажиллагаанаас ухаалгаар суралцан, өөрт хэрэгтэй туршлага, зүйлийг бодитойгоор тусган авч, магадгүй зарим зүйл дээр илүү сэтгэж, шинэ шийдлийг олохын тулд хязгаарлагдмал ч гэсэн байгаа нөөц, бололцоогоо дээд зэргээр ашиглах нь чухал болж байна. Үүний дотор тулгамдсан гол асуудлуудаа зөв тодорхойлж, хөгжлийн тэргүүлэх салбаруудад бодлого, төлөвлөлт, хөрөнгө мөнгөө төвлөрүүлэх замаар эдийн засаг, нийгмээ эрчимтэй хөгжүүлэх шаардлага онцгой анхаарал татаж байна.

Мэдээж Та бүхэн шинээр дөнгөж байгуулагдсан тул зовлон бэрхшээл ихээхэн тулгарч байгааг ойлгож байна. Бусад яамд, төрийн байгууллагуудтай харьцах зарчим тогтоогүй, хамтран ажиллах суурь тавигдаагүй байгаа байх. Гэвч энэ бүгдийг даван салбар яамдуудын бодлогыг нэгтгэн, хоорондын уялдаа холбоог сайжруулж өгөх хэрэгтэй.

Нэг үгээр хэлбэл Үндэсний хөгжил, шинэтгэлийн хороо нь улс орны эдийн засаг, нийгмийн хөгжлийн нийтлэг зорилтуудыг шийдвэрлэхэд салбаруудын хүч чармайлтыг нэгтгэн чиглүүлж, тэдгээрийн хоорондын үйл ажиллагааг зохицуулах үндсэн байгууллага байх учиртай юм.

Цэргийн хүний үгээр хэлбэл би Үндэсний хөгжил, шинэтгэлийн хороог Монгол Улсын эдийн засгийн бодлогын “Жанжин штаб” гэж нэрлэмээр байна. Энгийн хүний үгээр бол танай байгууллага төрийн эдийн засаг, нийгмийн бодлого, хөгжлийн хөтөч байгууллага байх ёстой юм. Иймд танай байгууллагад онцгой шаардлага тавигдаж, чадварлаг өндөр боловсролтой боловсон хүчин ажиллах ёстой.

Төгсгөлд нь тэмдэглэхэд ийнхүү ХХI зуун дахь улс орны хөгжлийн ирээдүй зөв бүтцийг тодорхойлох, түүнд хүрэх зам, чигийг нь боловсруулж, бодлогоор хэрэгжүүлэх асар чухал, хариуцлагатай ажил Үндэсний хөгжил, шинэтгэлийн хорооны удирдлага, хамт олны өмнө зогсож байгаа бөгөөд Та бүхнийг энэ эрхэм үүргийг нэр төртэй биелүүлж чадна гэдэгт итгэлтэй байна.

Монгол Улсын Ерөнхий сайдын хувьд би Та бүхний ажлыг бүх талаар дэмжиж хамтран ажиллах болно.

Ингээд шинээр байгуулагдан үйл ажиллагаагаа эхэлж байгаа Үндэсний хөгжил шинэтгэлийн хорооны удирдлага, хамт олонд Монгол Улсын Засгийн газрын нэрийн өмнөөс дахин ажлын амжилт хүсэн ерөөе.

Ц.Солонго

Сургуулийн холболт